25 de novembro: A PORTA VIOLETA

Outra das actividades que levamos a cabo para celebrar o 25 de novembro foi interpretar cos nosos debuxos a canción de "La puerta violeta"  de Rozalén e así nos quedou.

25 DE NOVEMBRO

Os alumn@s de quinto sumámonos a conmemoración do Día Internacional pola Eliminación da Violencia de Xénero.

ROSALÍA DE CASTRO

 Sumámonos a homenaxe a Rosalía de Castro, para conmemorar o 180 aniversario do seu nacemento, lendo na clase algún dos seus poemas.

O PODER INTERIOR

Un ano máis, este venres celebramos o desfile de entroido. Como a temática se refería os superheroes, nos quixemos reprensentar catro superpoderes que temos no noso interior e que nos axudan a superar cada día as dificultades que se nos presentan: a sensibilidade, a solidariedade, a creatividade e a valentía.

FELIZ DÍA DA NAI

Neste día tan especial para moitas de nós, os vosos fillos e fillas teñen algo que decirvos.

Hai unhas mensaxes moi especiais!
BO DÍA!

UN LIBRO

Un libro é unha caixa de palabras que me alegra cando estou triste.

Un libro é  un acuario no que nadan as palabras que me afogan o aburremento cando chove no meu corazón.

Un libro é un familiar que me dá de comer cando teño fame de historias.

Un libro é un circuito de palabras divertidas que me entreteñen cando estou aburrido.

Un libro é un vicio que me atrapa cando o empezo a ler e nunca me solta.

Un libro é un hotel de palabras que me fai sentir viva cando cando me hospedo nel.

Un libro é un volcán que me salpica coa súa lava cando estou preto del.

Un libro é unha piscina de palabras que me refresca cando leo.

Un libro é unha laranxa que espremo cando preciso vitaminas de coñecemento.

Un libro é un serpe de palabras que me fai rir cando estou triste.

Un libro é un edificio cheo de palabras que me acompaña cando estou so.

Un libro é alguén que sempre está comigo e me anima cando non teño enerxía.

Un libro é unha porta  que me leva ao mundo da fantasía cando me aburro no mundo real.

Un libro é un surtidor de historias que me acompañan cando estou soa.

Un libro é un mundo descoñecido que podo descubrir cando exploro o seu interior.

Un libro é saco de fantasía que abro cada vez que preciso emocións.

QUE TODOS OS DÍAS SEXAN DÍAS CON LIBROS!!!! 


Grazas por acompañarnos na lectura silenciosa!!!

Día da árbore

Unha vez máis celebramos o Día da Árbore no noso colexio. Este ano tocounos desprazarnos ata Ventosela e alí disfrutamos dun día de xogos e risas en contacto coa natureza.

Pasámolo xenial!!!!

DÍA DA PAZ

Este venres foi o Día da Paz e como facía mal tempo non poidemos saír ao exterior, pero non foi impedimento para que se celebrase no salón de actos.
Nos prepararamos na clase ¨Bos desexos para todos os nosos amigos¨.

Solidaridade

 Para que lles axuden se o precisan. 

Hospitalidade

Para que non se sintan extranxeiros en ningún lugar

Boa sorte

 Para que se cumplan os seus desexos.

Saúde

Para que non sufran.

Cariño

Para darllo a todos os que os rodean.

Compañía

 Para que nunca se sintan solos.

Traballo

Para que non sufran necesidades económicas.

Imaxinación

 Para crear mundos novos.

Felicidade

 Para ver o lado bo das cousas.

Alegría

 Para que todos os días sexan perfectos.

Amor

Para que se sintan queridos.

Esperanza

 En que se cumplan os seus soños.

Paz

 Para vivir mellor

O MAIO

Co fiuncho, os pampullos e as cocas que trouxemos fixemos entre todos un espectacular maio tradicional. Ademais, cada clase inventou tres coplas para cantar. As nosas, como podedes comprobar, aluden ao mes de maio pero non nos esquecemos de criticar os temas da aula.

Aquí tedes a nosa actuación!

DÍA DO LIBRO

Este mércores celebramos o Día do Libro no noso colexio con diversas actividades. Comenzamos na aula contando cales eran os nosos libros favoritos. A continuación participamos nun acto de presentación de diferentes escritores cantando a cantiga de trobeiro Mendiño ¨Sediame eu na ermida de San Simón¨ . Rematamos lendo polos corredores os libros que se atopaban distribuidos por todo centro.

FELICIDADES MAMÁS!

Neste día tan especial para moitas de nós os vosos fillos e fillas teñen algo que decirvos.

Hai unhas mensaxes moi especiais!
BO DÍA!

UN LIBRO É....

Outra das actividades que fixemos para celebrar o Día do Libro foi crear metáforas sobre o libro. Comenzamos explicando en que consistían a metáfora e a comparación e logo cada un escribiu unha lista de cinco nomes. A continuación asociou o que mais lle gustaba a palabra libro. Xa tiñamos o comenzo e entre todos, axudándonos, fixemos os nosos primeiros un libro é ...., pero como nos encanta escribir e crear, cada un fixo varias metáforas coa palabra  libro .... e ata nos animamos con outras. Estabamos tanto contentos e satisfeitos coas nosas creacións que  fomos a lelas para todo o cole pola megafonía.

 Aquí tedes a mostra!

OS NOSOS LIBROS FAVORITOS

Hoxe quixemos sumarnos a celebración do Día do Libro.  Unha das actividades que fixemos foi mostrar aos compañeiros e compañeiras o noso libro favorito e explicar as razóns que fan que sexa o noso preferido.

Seguro que  nos animamos a ler algún deles se ainda non o fixemos.

FESTA EQUINOCIO DE PRIMAVERA

Para rematar este trimestre e darlle a benvida a nova estación celebramos a Festa do Equinocio de Primavera. Despois do reposo de inverno, árbores e as plantas  groman e florecen, aumentan as horas de luz, nacen as primeiras bolboretas e escóitanse os cantos dos paxaros. A Natureza comenza a espertar e a cobrar vida de novo e nós queremos darlle as grazas por todo o que nos brinda así que cada equipo creou  a súa ofrenda  para a deusa  Auga,  para o deus  Sol e para a deusa Terra. 

Vestímonos para a ocasión, decoramos a mesa e tomamos produtos naturais: froita e froitos secos.

Pasámolo xenial!

ENTROIDO 2013

Despois de informarnos onde xurdiu e como de desenrolou a civilización exipcia esperábanos moito traballo para decorar os accesorios do noso disfraz. Grazas a inestimable axuda de Luisa Gago que pasou moitas horas con nós traballando arreo, poidemos ter todo a punto para o gran día

E como auténticos exipcios e exipcias os nenos de nenas de 4º A e 4º B percorremos as rúas de Reboreda nun espléndido día.

A seguir disfrtutando de entroido e destas minis vacación!

Presentación personalized with Smilebox

CANTARELA DOS NENOS

O vindeiro mércores celebraremos nos colexios o Día da Paz con diferentes actos nos que se acostuma a cantar xuntos. Este ano a canción elexida polo noso centro é un poema do escritor Xosé Neira Vilas titulada Cantarela dos nenos.

Para ir practicando aquí tedes unha montaxe que fixeron no colexio de Barcelos en Pontevedra.

O APALPADOR

Seguro que todos vos lembrades da visita que fixemos o ano pasado a Biblioteca Municipal onde tivemos a oportunidade de asistir a presentación do libro de Xurxo Varcarcel e Pepe Carreiro  A noite do Apalpador onde nos agasallaron cun exemplar dese libro

Como sabedes O Apalpador baixa a noite do 31 de decembro para visitar os nenos, e tócalles  na barriga para ver se comeron abondo durante o ano e déixalles un puñado de castañas e se cadra algún agasallo, desexándolles que teñan un ano novo cheo de felicidade e fartura.

Así que non vos esquezades de alimentarvos ben nestas datas por se vos ven visitar. Mentras tanto para lembrar a historia deste personaxe aquí tedes un xogo que crearon no Barbanza.

FESTA DO SOLSTICIO DE INVERNO

Como calquera pretexto é bo para compartir experiencias e estreitar lazos cos compañeiros e compañeiros, nos quixemos despedir este trimestre celebrando a Festa do solsticio de inverno.

Como en toda a festa que se precie tivemos que ocuparnos de poñer e decorar a mesa, preparar a comida e vir vestidos moi, pero que moi elegantes. Distribuimos o traballo por equipos e cada un preparou un tipo de montaditos, ademáis pinchos de embutidos e  brochetas de froita. O resultado foi espectacular, a mesa estaba fermosísima e a comida exquísita.

Dentro de seis meses celebraremos a Festa do solsticio de verán, e para min non será tan alegre xa que será unha festa de despedida deste grupo tan especial, pero mentras tanto ainda nos queda moito por disfrutar e compartir.

Unha aperta a todos e a disfrutar das vacacións!

Presentación created with Smilebox

BO NADAL!

Os nenos e nenas  de 4º A queremos darvos as grazas, ás familias e a todos os que nos seguides, por estar aí e animarnos cos vosos comentarios.  

 FELICES FESTAS! 

Tarjeta made with Smilebox

CONTACONTOS NA BIBLIOTECA DE REDONDELA

Para conmemorar os 200 anos da primeira edición de "Los cuentos para la infancia y el hogar" dos Irmáns Grimm (20 de decembro), a Fundación Filomena Rivero en colaboración coa Biblioteca Municipal de Redondela, organiza  sesións de contacontos e un concurso de debuxo no mes de decembro:

 
“Contos dos Irmáns Grimm para tremer e rir”  

(para nenos de 6 a 9 anos) O venres, 14 de decembro

Hora: 18:30 horas

Lugar: Sala Infantil da Biblioteca Municipal
(Multiusos da Xunqueira)

Concurso : 
"Debuxa a túa escena favorita dos contos que escoitaches", 

no que poderán participar os rapaces que asistiron aos contacontos.

Remate do prazo de entrega dos debuxos:mércores, 19 de decembro (na Sala Infantil da Biblioteca)
Entrega de premios: venres, 21 de decembro ás 18:30 h. (na Sala Infantil da Biblioteca)