FESTA DE FIN DE CURSO

Rematamos estes meses tan duros e intensos. Desde logo estas non son as mellores condicións pero, a pesar de todo, tentamos adaptarnos e seguir estando xuntos.

 E, para acabar, coma non podía ser doutra maneira, organizamos unha festa; houbo música, baile, xogos e ata merendola, que máis se pode pedir?

 MOI FELIZ VERÁN A TODOS, DESFRUTADE MOITO DO AIRE LIBRE, VÉMONOS EN SETEMBRO!!!

 

 

ÚLTIMAS ACTIVIDADES DE PLÁSTICA

Durante este confinamento sacados todos o noso lado máis artístico. Tanto, que ás veces, as nosas obras cobran vida.

ÚLTIMAS ACTIVIDADES: MURAL DE DESPEDIDA

Este curso chega ao seu fin.
Aproveitamos estes días para facer as últimas actividades e tamén para despedirnos.
Aquí vos deixo un mural cos desexos dos alumnos de quinto.

https://es.padlet.com/nivecaro_redondela/urljvr292rdf83we

A MATERIA: FERMENTACIÓN

Rematamos os experimentos da materia da semana pasada observando o proceso da fermentación. Para iso usamos levaduras para facer unha masa que levedase.
Amasamos ata 3 veces e deixamos descansar para observar ese proceso.
Logo algúns aproveitaron para facer pan ou bolos.

A MATERIA: OXIDACIÓN

O seguinte experimento sobre a materia da semana foi a oxidación.
Para isto puxemos rodelas de mazá en distintos líquidos: auga con bicarbonato, auga, vinagre, leite, limón e sen ningún líquido.
Despois deixamos repousar 24 horas para poder sacar conclusións.

A MATERIA: FLOTACIÓN

Seguimos co tema da materia.
 Nos experimentos desta semana fixemos unha chea de cousas.
 Empezamos traballando a FLOTACIÓN.
Mirade o experimento que nos amosa Enzo e sacade as vosas conclusións.

COMO MOLAN OS VENRES: XOGAMOS AO PARTY CONFINADO

Unha semana máis aproveitamos o venres para facer unha videoconferencia especial onde poder aprender xogando.
Esta semana fixemos un xogo onde nos podía tocar debuxar, facer mímica ou ter que describir unha palabra pero sen usar unha serie de palabras prohibidas.
Pasámolo xenial.

AS NOSAS COMPOSICIÓNS MUSICAIS

A semana pasada estivemos facendo composicións musicais cun programiña moi simpático.
Mirade que ben quedaron

ESTADOS DA MATERIA: A FLOTACIÓN

Seguimos experimentando na casa sobre o tema da materia.
Estivemos traballando a flotación.

CANTO ARTISTEO TEMOS NO CONFINAMENTO

Aquí vos deixamos as versión de "Oles moito a Xel" de Javi, Paula e Lía.
Noraboa rapaces, están xenial!!!

ESTADOS DA MATERIA

Seguimos traballando co tema da materia.
Nesta ocasión traballamos os estados da materia e descubrimos que a auga non sempre se conxela cando a metemos no conxelador.

CELEBRAMOS O DÍA DAS LETRAS GALEGAS

Celebramos o Día das Letras Galegas facendo unha chea de actividades. 

Fixemos unha escape room, xogamos ao Carvalhopoli, vimos vídeos e, ademais, creamos as nosas propias pitas do conto "As pitas baixo a choiva" e tamén fixemos as personaxes para comer.

OLIMPIADAS CONFINADAS: VELA

Esta semana seguimos deseñando as nosas olimpiadas.
Desta volta programamos Vela.

ASÍ FOI A SEMANA PASADA

A semana pasada fixemos unha chea de cousas.
É moi difícil poder facer vídeos e entradas de todas así que aquí vos deixamos un resumo que recolle as que máis nos gustaron.

CHUVIA DE CORES

Seguimos co tema de materia en ciencias naturais.
A semana pasada fixemos "CHUVIA DE CORES" .

OS VENRES MOLAN: XOGAMOS AO BINGO

Novo venres e, con el, novos retos.
Esta semana xogamos ao bingo. Tivemos algúns percances antes de comezar pero atopamos xeito de solucionalos e, finalmente, puidemos xogar.
Pasámolo moi ben!!!

OS VENRES MOLAN: COCIÑAMOS COOKIES

 Os venres sempre tentamos que sexan días máis especiais así que deseñamos actividades distintas onde aprendemos doutro xeito.
A semana pasada aproveitamos para cociñar cookies.
Foi moi divertido e, ademais, estaban boísimas.

OLIMPIADAS CONFINADAS CON SCRATCH

Como o tema deste ano é o deporte non puidemos resistirnos a crear as nosas propias Olimpiadas,sobre todo porque serán as únicas, xa que Tokio está cancelado.
Imos programar unha serie de deportes olímpicos usando Scratch.
Comezamos programando o Tiro con Arco, inda que xa veredes que na versión confinada é, máis ben, tiro con frecha.

A MATERIA

En ciencias estamos traballando a materia e o mellor xeito de facelo é experimentando, por iso estes días estamos facendo experimentos nas nosas casas.

 Aquí vos deixamos os primeiros.

PRÁCTICAS CON SCRATCH:O LABIRINTO

Seguimos co noso traballo no confinamento.
Nesta ocasión fixemos un labirinto usando Scratch.
Foi moi divertido e mirade que ben quedaron!!!