XERARDO QUINTIÁ VISÍTANOS

O escritor do libro ¨ A verdadeira historia do burro Feldespato¨ Xerardo Quintiá veu ao cole de Reboreda a falarnos da súa vida, dos seus libros, e da sua experiencia como escritor.
Contounos que naceu e pasou a súa infancia en Friol (Lugo) , xa de adulto desempeñou varios traballos: camareiro, vendedor de libros, comercial de roupa....., pero a súa paixón e escribir

Ten publicados con varios libros para adultos e tamén para nenos.. O primeiro libro que escribiu para público infantil foi¨ Fínisimo pó nas ás¨ que trataba dun neno que vive nunha aldea de Lugo e que ven a contar un pouco a súa vida.

Explicounos que para ser escritor é necesario ler moito e que non basta coa inspiración senon que un libro é froito do traballo de moitas horas. Escribir un libro pode levar varios anos e non sempre é fácil crear un relato.

Así a ¨ A verdadeira historia do burro Feldespato¨ xurdiu a partir de dúas

historias diferentes, a de Marica Pendella e a do burro Feldespato e non daba coa forma de rematalas ata que se lle ocurriu unilas e así como xurdiu esta preciosa historia dun amor imposible entre un burro e unha bruxa.

Rara rematar recomendounos o seu último libro ¨Ke-tumba Ke-tamba¨ que estamos desexando ler e tamén nos asinou os nosos libros.