jueves, 18 de octubre de 2018

JULES VERNE

Iniciamos unha nova aventura. O vindeiro día 24 de outubro imos participar na lectura colectiva da obra de Verne 20.000 leguas de viaxe submarino  para celebrar o 150 aniversario da chegada do Nautilius a Ría de Vigo, e aproveitando a ocasión imos a achegarnos a Verne que, ademais de ser un escritor fantástico, nos seus libros describiu aparellos prodixiosos que remataron sendo realidade moitos anos despois.
Verne puido facer isto porque tiña moitos coñecementos científicos, sobre todo, relacionados coa física.
Para aprender máis aquí vos deixamos unha webquest coa que imos traballar estes días.

http://www.animalec.com/wq/julioverne/tarea1.htm

miércoles, 17 de octubre de 2018

NOVOS RECURSOS

No apartado da expresións escrita en recursos xa hai unha chea de material para traballar poesía. Non vos esquezades de pasar por alí.



jueves, 11 de octubre de 2018

lunes, 8 de octubre de 2018

RECURSOS

Este ano queremos que vos sexa máis sinxelo usar o espazo de recursos para repasar e traballar na casa. Estamos barallando diferentes opcións. Ter un site para cada asignatura ou probar cun wix coas materias onde teñades todo recollido. 
Aquí vos deixamos unha proba do wix para que naveguedes, probedes e nos deades a vosa opinión. Inda non hai recursos de todas as materias pero xa vos serve para darvos unha idea de coma estarían organizados.
Esperamos as vosas impresións para seguir mellorando. Clica na imaxe e xa iredes ao wix.

https://omanantialsantopai.wixsite.com/misitio

A REPRODUCCIÓN HUMANA

Comezamos novo tema. Un tema apaixoante e moi importante no momento vital no que vos atopades. E tempo de ler, investigar e aprender. De seguro que unha chea de preguntas rondan polas vosas cabezas por iso é necesario coñecernos ben para entender todo o que acontece.




O outro día vimos un vídeo na aula sobre o que nos esta pasando. Aquí vos deixamos o vídeo completo para que lle botedes un vistazo con calma.

¿Que me esta pasando? from zumkat on Vimeo.

Agora é tempo de traballar. Aquí tedes material para iniciar o proxecto.
Para comezar:
SISTEMAS DE REPRODUCCIÓN HUMANA
LA REPRODUCCIÓN
TEMA DA REPRODUCCIÓN COMPLETO
REPRODUCCIÓN HUMANA
PUBERTADE MASCULINA 
PUBERTADE FEMININA
SISTEMA REPRODUCTOR FEMININO 
9 meses en catro minutos
FECUNDACIÓN Y REPRODUCCIÓN
LA REPRODUCCIÓN HUMANA HAPPY LEARNING
LA REPRODUCCIÓN VIDEOPROFE
LA MENSTRUACCIÓN 
LA FECUNDACIÓN 
8 COSAS INCREÍBLES QUE UN BEBÉ .......

Para practicar na casa e repasar:
RECURSOS ANAYA 
LAS PERSONAS CAMBIAN
LOS CARACTERES SEXUALES
CARACTERES SEXUALES
APARATO REPRODUCTOR FEMENINO
APARATO REPRODUCTOR MASCULINO
LA FECUNDACIÓN
EL EMBARAZO



jueves, 4 de octubre de 2018

FESTA DO EQUINOCIO II

Ademais dos talleres de cociña, na nosa festa houbo moitas outras actividades. 
A profe Luisa encargouse de preparar dous talleres para facer xabóns e perfumes, por outra banda, os alumnos que xa sabían ensinaron aos seus compañeiros a facer pulseiras de macrané. Plantamos plantas aromáticas grazas a Guille, fixemos unha carreira por relevos de dicionarios buscando termos relacionados co outono e, finalmente,  unha busqueda do tesouro otoñal. 
Unha chea de actividades para celebrar o equinocio de outono pero, sobre todo, a volta ao cole.
 Aquí tedes un resumo.

miércoles, 3 de octubre de 2018

FESTA DO EQUINOCIO DE OUTONO I: TALLER QUÍMICO DE COCIÑA

A semana anterior celebramos a festa do equinocio de outono pero a nosa festa non foi coma a do ano pasado. Fixemos unha chuvia de ideas entre as dúas clases e unha das cousas que querían facer na festa era comer pero, "coma o pan hai que gañalo" preparamos un taller de cociña moi especial.
Un día antes de cociñar fixemos un xogo por equipos onde lendo diferentes textos, cada equipo tiña que descubrir cal ia ser a receita que ían cociñar e que procesos químicos se puñan en marcha cando faciamos a receita.
Chegou o día e puxémonos mans a obra. Cociñamos e, por suposto, comemos!!!

SCRATCH DAY

O vindeiro 20 de outubro terá lugar na Cidade da Cultura o IV Scratch Day, organizado polo CPETIG coa colaboración da Amtega, dirixido a escolares de entre 7 e 15 anos que deben asistir acompañados polo seu pai ou nai. Nesta edición, a rapazada aprenderá a programación dun videoxogo no ordenador. Solicitamos a maior difusión posible entre o alumnado. As familias interesadas poden inscribirse en http://scratchday.cpetig.gal

O IV Scratch Day ten como obxectivo difundir os valores da programación informática entre os nenos e os seus pais, de xeito que os participantes poden acceder ao mundo da programación de forma lúdica e divertida, tomando conciencia da potencia desta ferramenta como medio de expresión de ideas e vehículo para o emprendemento. Asemade, o CPETIG pretende que esta iniciativa contribúa a eliminar mitos en relación á programación informática e a superar desde a infancia os estereotipos de xénero sobre este área do coñecemento, difundindo as posibilidades que ofrecen as TIC e reducindo a fenda dixital.

O CPETIG concibe esta formación no contexto da familia por considerar decisiva a implicación dos pais e as nais neste ámbito, como apoio e motivación para que os seus fillos se sintan atraídos cara á programación informática, de xeito que esta actividade non sexa unha excepción, senón o principio dun labor a seguir no fogar.

Requerimentos
A sesión estará dedicada á programación de videoxogos, sendo preciso que os asistentes leven o seu portátil, xa que non serven tablets ou smartphones.
A formación do Scratch Day será impartida pola Asociación Programamos, dedicada a promover o desenvolvemento do pensamento computacional en todas as etapas escolares, a través da programación de videoxogos e aplicacións para móbiles.

OS REIS CATÓLICOS

Aquí tedes máis vídeos sobre o comezo da Idade Moderna




miércoles, 26 de septiembre de 2018

SEXTO E O TRABALLO EN EQUIPO

Cremos firmemente que a unión fai a forza por iso insistimos unha e outra vez que o traballo en equipo fainos mellores, máis competentes e mellora as nosas relacións.
E puidemos comprobalo con diferentes dinámicas que levamos a cabo fai uns días. Tratábase de xogar e pasalo ben pero no fondo o noso obxectivo era amosar que necesitamos aos demais moito máis do que cremos.
Comezamos xogando individualmente, xogamos a pedra, papel, tesoira pero incorporando unha variante. Todos eramos pitiños pero o gañador volvíase mono, e os monos so podían xogar con outros monos. Os monos volvíanse homes ao gañar e debían buscar outros homes cos que xogar. Finalmente, os gañadores entre homes volvíanse SUPERHOMES. 

Un superhome pode coller unha pelota que está no medio dun cadrado sen pisar os bordes do mesmo?

Despois de descubrir que o superhome precisa dos demais, é posible pasar unha pelota de pin-pon dun vaso a outro se usar as mans e onde cada membro do equipo teña unha labor?

E agora que sabemos que podemos repartir tarefas, poden uns fídeos finos e endebles soster unha nube de gominola sen romper e manténdose en equilibro?

INDIVIDUALMENTE SOMOS UNHA PINGA PERO XUNTOS, FORMAMOS UN OCÉANO!!!

NON O ESQUEZADES!

martes, 25 de septiembre de 2018

SABEDES CAL É A DIFERENZA ENTRE FÍSICA E QUÍMICA?

Arrincamos proxecto deste curso facendo un pequeno xogo na aula. Tiñamos diferentes textos divididos por partes. Cada texto explicaba algunhas cousas sobre a física e a química. Cada un de nos foi buscando as partes que faltaban do seu texto e que tiñan outros compañeiros. 
Cos textos completos, cada equipo explicounos de xeito oral do que trataba o mesmo. 

viernes, 21 de septiembre de 2018

A QUÍMICA DOS ALIMENTOS

Xa vimos que a cociña é coma un gran laboratorio onde non paran de suceder reaccións e alteracións químicas moi interesantes pero, os alimentos por si mesmos teñen química? Hai alimentos naturais e alimentos químicos? Debemos comer so dos primeiros?

Neste vídeo tedes unhas poucas curiosidade sobre a química alimentar.


jueves, 20 de septiembre de 2018

PREPARANDO O EQUINOCIO: UN MENÚ MOI QUÍMICO

Empezamos o curso coma nos gusta, celebrando unha festa!!! 
O sábado entramos no outono e esta nova estación traerá consigo unha chea de cambios no medio que nos rodea. Para celebrar a chegada desta estación A e B reuníronse e fixeron propostas. Estudiadas todas e tendo en conta que o tema deste curso é Física e Química, decidimos levar a cabo varios talleres. Un deles é o de cociña. 
Imos facer un delicioso menú  que non so vai encher os nosos estómagos senón tamén as nosas mentes, xa que hoxe descubrimos que a cociña é un gran laboratorio cheo de reaccións e alteracións da materia.
Moitos quedástedes con ganas de saber máis. Pois aquí o tendes a primeira parte!!!

OS FLOCOS DE MILLO


Alguén quería ver coma era o proceso de explosión do floco de millo, tamén o temos:
O FLAN

sábado, 15 de septiembre de 2018

OBRADOIRO GRATUITO DE ROBÓTICA

Trátase de obradoiros tecnolóxicos (audiovisual e robótica) para nenos e nenas de 7 a 15 anos, que xa percorreron con éxito diferentes vilas da nosa comunidade.
Non é necesario ser cliente R para poder gozar deste obradoiro.
Obxectivo
Que os nenos e as nenas desenvolvan a creatividade e aprendan a traballar en equipo. Crearán un prototipo tecnolóxico, utilizando placas e materiais de refugallo.
Convoca
Empresa R. Colabora Líbolis, Escuela de Valientes, cun método que potencia o espírito emprendedor dos máis pequenos e pequenas a través do xogo.
Inscrición
Cada obradoiro está limitado a 20 participantes.
Contacto:

viernes, 14 de septiembre de 2018

UN ANO CHEO DE FÍSICA E QUÍMICA

Un novo curso comeza. 
Estes son días de reencontro e ilusión polos novos proxectos. 
Para a profe Luisa e para min e un auténtico pracer recibirvos e iniciar con vos un curso importante, pois este é o voso derradeiro ano no cole de Reboreda. Esperamos estar a altura do que merecedes e que xuntos poidamos facer que este sexa un bo remate a esta primeira etapa escolar.
Comezamos decorando a aula e buscando frases que nos sirvan de inspiración para a vida.

BENVIDOS A E B!!! 

 

martes, 11 de septiembre de 2018

TODO LISTO! UN NOVO CURSO COMEZA

Ola a todos!!!
Rematan as vacacións e comeza unha nova aventura no cole de Reboreda.

Estamos desexando vervos!!!  

Xa está todo listo, so faltades vos! 

E para comezar con ganas, tedes que buscar e traer a escola 3 obxectos relacionados con este verán!!! Poñede as cabezas a traballar.

lunes, 2 de julio de 2018

EXCURSIÓN E FESTA DE FIN DE CURSO

Un curso tan intenso coma o que tivemos este ano precisaba dunha festa a altura das circunstancias. Tivemos, ademais, a sorte de que fixese un día estupendo así que despois de coller toda a comida que compramos o día anterior no Familia, e as nosas mochilas, puxémonos en camiño. 
O paseo foi moi instructivo, Luisa contounos unha chea de cousas sobre Reboreda.
Xa no río aproveitamos para explorar e facer xogos moi, moi divertidos coma carreiras de cabalos e xinetes, carretillas, relevos, comer galletas sen usar as mans amosando os nosos coñecementos sobre Reboreda, pasar a auga...
Cando o sol comezou a apretar foi á hora de darnos un baño, divertidísimo lanzarnos a auga e bañarnos, iso si, a temperatura da auga cortaba a circulación.
Despois de tanto movemento había fame, e coma era día de festa, fixemos unha merendola.
O camiño de volta tamén foi moi divertido, mollándonos todo o camiño.

UN GRAN FINAL PARA UN CURSO FANTÁSTICO!!!

POR CERTO, PREGUNTA DE CALDEIRO:
COMA SE CHAMA O TOMILLO SALVAXE QUE FORMA PARTE DO CACHO DAS HERBAS DE SAN XOÁN ????

BO VERÁN PARA TODOS, DESCANSE, DISFRUTADE E VIVIDE EXPERIENCIAS!!!

VÉMONOS EN SETEMBRO

miércoles, 27 de junio de 2018

VISITA A EXPOSICIÓN DE XOGUETES ANTIGOS

O luns 18 de xuño fomos ao multiusos de Redondela a ver a obra de títeres de Tanxarina " A Galiña Azul" e aproveitamos para solicitar que nos fixeran unha visita guiada pola exposición de xoguetes antigos ¨Volve a vivilos¨ .  A verdade é que estos xoguetes son verdadeiras xoias.Ainda tedes toda a semana se queredes volver a vela.
Non vos esquezades asistir as actividades culturais que se van a celebrar durante o verán na nosa vila.



martes, 26 de junio de 2018

COÑECENDO REBOREDA

Os últimos días de clase estiveron cheos de cousas interesantes. 
Por grupos, os alumn@s de A e B prepararon un pequeño traballiño sobre a súa parroquia para poder facernos unha visita guiada. 
O mércores 20 saimos do cole e fomos a dar un paseo moi informativo por Reboreda.
Foi unha xornada estupenda onde aprendemos unha chea de cousas, desfrutamos do aire libre e pasámolo moi ben.

NORABOA A TODOS QUE O FIXÉSTEDES XENIAL!!!




lunes, 25 de junio de 2018

MANUAL DE SUPERVIVENCIA DOS IRMANDIÑOS

Presentamos o último manual de supervivencia. Neste caso as Panteras Negras nos aproximan ao mundo dos Irmandiños e nos contan que debemos facer para poder sobrevivir. 
Unha vez máis un manual moi interesante e unha presentación óptima.
Moi ben Panteras Negras!!!
MANUAL

https://issuu.com/nivecaro/docs/powerpoint_panteras

Exposición:

viernes, 22 de junio de 2018

MANUAL DE SUPERVIVENCIA DUN CABALEIRO

E seguimos aprendendo máis cousas da idade media. 
O equipo Perfect fálanos das cruzadas e explícannos con moito humor coma ser un cabaleiro na Idade Media.
Parece que aprender e pasalo ben ao mesmo tempo é posible.
Fantástico rapaces!!!
MANUAL
https://issuu.com/nivecaro/docs/power_point_edad_media_perfect_7156c05b548215


Exposición:

jueves, 21 de junio de 2018

MANUAL DE SUPERVIVENCIA EN AL-ÁNDALUS

Despois de ver o manual de supervivencia dos campesiños, imos aprender algo máis dos musulmáns. Noa e Lucía tiveron o handicap que non poder contar con dúas das súas compañeiras de equipo e, inda así fixéronno moi ben e contáronnos unha chea de cousas moi interesantes. 
Prestade atención!!! 

MANUAL

https://issuu.com/nivecaro/docs/manual_definitivo_callate_la_boca_31e0634945ca79


Exposición:

TAREFAS DE VERÁN

Déixovos os enlaces para repasar no verán
 Bo verán!!!!

miércoles, 20 de junio de 2018

MANUAL DE SUPERVIVENCIA DUN CAMPESIÑO

Despois de adicar o terceiro trimestre a Idade Media, os equipos presentaron os seus manuais de supervivencia. O primeiro equipo en facelo foron "Bubbles" cun estupendo manual de supervivencia para o campesiño. Fixeron un traballo estupendo e unha exposición espectacular. 


NORABOA RAPACES, FIXÉSTELO XENIAL!!!

AQUÍ TEDES O MANUAL 

https://issuu.com/nivecaro/docs/power_point


 E a presentación:

martes, 19 de junio de 2018

MASTERCHEF REBOREDA!!!

Estamos rematando o curso e estes días son un pouco máis lúdicos. 
A semana pasada fixemos unha sesión de Masterchef. O reto consistía en facer un tiramisú con frambuesas da nosa horta. 
Cada equipo organizouse e repartiu os ingredientes para traer ao día seguinte e cociñar pero, cando xa tiñamos todo arranxado, unha nova dificultade sumouse ao reto, un membro do xurado era celíaco así que había que buscar algunha alternativa.
Despois de bastantes rompedeiros de cabeza os equipos volveron refacer os seus ingredientes e o material a traer e, ao día seguinte puxémonos mans a obra. 
Foi moi divertido, cociñamos, manchámonos, berramos, rimos e fixemos uns tiramisus moi ricos.
Mirade!!!

VISITANOS LEDICIA COSTAS

A semana pasada tivemos a visita de Ledicia Costas que veunos falar do seu libro "As peripecias de Extravaganzza Perez". Foi unha visita moi interesante e todos quedamos encantados con todo o que nos contou.

PARTE 1



PARTE 2

EXCURSIÓN DE FIN DE CURSO

A semana pasada, xunto cos alumnos de sexto de primaria fomos de excursión a Santiago de Compostela e as Dunas de Corrubedo. 
O autobús deixounos no Monte do Gozo e, dende aí, iniciamos o camiño ata Santiago. Unha vez alí e despois dun merecido almorzo, tivemos a sorte de realizar unha visita guiada por Santiago da man de Jorge.
A visita foi moi interesante e aprendemos unha chea de cousa. Visitamos a catedral e logo fomos comer a Alameda. De sobremesa xeados e, despois, puxemos rumbo a Corrubedo.
No centro de visitantes puxéronnos un vídeo para explicarnos a formación da duna (que non nos gustou moito!) e, despois da merenda, fomos a ver a duna.
Foi un día estupendo, cheo de risas, confidencias e moita diversión!!!

viernes, 15 de junio de 2018

REBOREDA MEDIEVAL

O próximo día 20 imos a descubrir a Reboreda do medievo. 
Para iso cada equipo debe escoller un lugar singular da parroquía e preparar a información teórica que nos van contar nese lugar.
Os equipos escolleron coma temas: o feudalismo, os cruceiros, os muíños e a igrexa.
Para botarvos unha man aquí vos deixamos algo de información xeral que vos pode axudar.

jueves, 14 de junio de 2018

MANUAIS DE SUPERVIVENCIA DA IDADE MEDIA

Mañán remata o prazo para finalizar os manuais de supervivencia. Sei que aínda faltan detalles, información e retoques pero para que vaiades repasando e vendo o que xa tedes feito aquí vos deixo os  powerpoint que xa me pasastedes.

miércoles, 13 de junio de 2018

ÚLTIMO EXPERIMENTO DO CANAL O MANANTIAL

Imos pechando o curso. Xa tedes colgados no canal os últimos vídeos dos experimentos e rematamos coa experiencia tan fantástica que nos ensinou a profe Luisa e que moitos puideron desfrutar na Feira de Ciencia e Tecnoloxía: sacar o ferro aos cereais.



REPASO DE LINGUA/LENGUA

Xa non queda nada!!
O final de curso está chegando pero antes de marchar de vacacións as linguas merecen un pequeno repaso para ter ben fixados os conceptos para o vindeiro curso. 
Así que veña, o último esforzo!!!


PALABRAS SIMPLES E COMPOSTAS




PREFIXOS

SUFIXOS


LEMBRAMOS?




O ADXECTIVO


NO SITE TEDES UNHA CHEA DE RECURSOS, PERO AQUÍ VOS DEIXO ALGÚNS XOGOS PARA REPASAR:
CREACIÓN DE PREFIXOS
PREFIXOS ANAYA
SUFIXOS ANAYA
SUFIXOS ANAYA 2
PALABRAS DERIVADAS
DERIVADAS
PALABRAS PRIMITIVAS E DERIVADAS
FAMILIAS DE PALABRAS
ESTRUCTURA DAS PALABRAS
ADXETIVOS E CLASES
ADXECTIVOS
ADXECTIVOS ANAYA



viernes, 8 de junio de 2018

Mais Ledicia Costas

E despois da fantástica visita de Ledicia Costas, en breve poremos as imaxes, mañan tedes a oportunidade de volver vela na feira do libro de Redondela. O sábado as 7 da tarde.


https://www.facebook.com/feirasdolibrogalicia/?hc_ref=ARRO5vmGte-BgYWSgVw_0kh3E9zltkZZr8STfqbQfXqLc0OlYcecH42btyUtwk-p5LQ&fref=nf

QUE SABES DE XEOMETRÍA?

Imos rematar o curso achegándonos a xeometría. De seguro que xa sabes moito máis do que pensas. Xogamos e de paso repasamos? Máis recursos no site. 

https://www.mundoprimaria.com/juegos-matematicas/juego-poligonos-regulares

jueves, 7 de junio de 2018

martes, 5 de junio de 2018

QUE BEN O PASAMOS NA FESTA DE VOZ NATURA

Un ano máis o primeiro sábado de xuño participamos na festa de Voz Natura no parque Acea da Ama en Culleredo. Foi unha xornada lúdica e moi divertida.
Aquí tedes un resumo.


lunes, 4 de junio de 2018

SCRATCH

Para empezar, non fai falla que descarguedes o programa, podedes traballar on line clicando aquí,
ademais tamén tedes un morea de exemplos.
Repasa os vídeos que vimos na clase e intenta que o teu gato atrape o rato😸😸 e, se quedas con ganas de máis, crea o teu propio xogo con novos personaxes.







 E para saber un pouco máis tedes estos dous vídeos.




domingo, 3 de junio de 2018

CHEGOU O CONGRESO

Despois de ensaiar, practicar e preparar, por fin, chegou o día do Congreso. Foi un día moi intenso, cheo de emocións, traballo e ilusión.

NORABOA A TOD@S!!! FIXÉSTEDELO XENIAL. 

viernes, 1 de junio de 2018

FESTA DE VOZ NATURA

E, por fin chegou o día. Xa está todo listo para a festa de voz natura



Mañán ás 9 da mañán sairemos do cole e volveremos ás 9 da noite.

Lembrade levar roupa e calzado cómodo, e a comida.
En principio, segundo Meteogalicia non vai chover. Crucemos os dedos.
É un día para desfrutar e pasalo ben. Non vos perdades ningunha das actividades.
Aquí tedes o plano da festa.
 Alí ao chegar tamén vos van dar un. Tamén hai unha chea de actividades.
Aquí vos deixo o minuto a minuto.
E toda a información aquí.


VEMONOS MAÑÁ!!! UNHA BOA FESTA PARA CELEBRAR O FANTÁSTICO TRABALLO DE TODO O CURSO.

 

I CONGRESO DO COLEXIO DE REBOREDA

Semanas deseñando, planificando, organizando...


miércoles, 30 de mayo de 2018

ALBA E PAULA FALAN DO CONGRESO EN RADIO REDONDELA

 ARTIGO DE RADIO REDONDELA
 
CEIP Santo Paio, unha escola diferente
Sociedade • 30/05/2018
Autor: Ana Prieto

O colexio de Reboreda abre as súas portas ao público este venres, 1 de xuño, co gallo do seu I Congreso do Reino Animal e a I Feira de Ciencia e Tecnoloxía. Alumnos doutros centros de Redondela e tamén as familias están convidados a este evento con ponencias e obradoiros nos que os escolares do CEIP Santo Paio de Abaixo son os auténticos protagonistas.

Os que se acheguen ao Congreso e a Feira poderán coñecer curiosidades dos animais salvaxes, os tesouros agochados no ecosistema da praia de Cesantes, experimentos, maquetas de Galiciencia e explorar coa robótica, entre outras cousas. Unha iniciativa deste centro público coa que pretenden que os alumnos sexan "os verdadeiros protagonistas", como explica a mestra Verónica Camiña. Con esta actividade queren demostrar que pode facerse "unha escola diferente" onde os nenos "teñan voz" e aprendan non só dos libros, senón de todas as experiencias nas que participan. Ao longo de todo o curso traballaron no proxecto dos animais, investigando sobre eles e facendo tamén saídas á praia de Cesantes, como explica Alba Pérez Lago, alumna de 5º. Alí puideron comprobar a importancia do ecosistema mariño e como unhas especies "inflúen sobre outras". Ao longo do curso tamén traballaron en diferentes proxectos de robótica. E agora queren amosar todo o que aprenderon ao público. Paula Rodríguez Couñago, tamén de 5º de Primaria, explica que os que visiten a Feira de Ciencia e Tecnoloxía non se poden perder as maquetas de Galiciencia. A xornada comezará ás 10.00 horas, e están convidados alumnos dos colexios Alexandre Bóveda, Laredo e Santa Mariña. Tamén as familias poden achegarse ao centro nesta xornada de portas abertas na que ademais poderán recibir "un baño sonoro". Verónica Camiña explica que se trata dunha proposta do departamento de música do centro, co que os partipantes poderán facer "unha viaxe a través do oído".


Máis en:



PRESENTACIÓN MIÑOCAS

lunes, 28 de mayo de 2018

REPASAMOS O TEMA DA MATERIA

Agora que xa temos listo o tema da materia toca estudar pero, é se o facemos xogando.
Xa tedes novos recursos no site para repasar e fixar o aprendido.
Ánimo rapaces que xa non queda nada!!!

https://cplosangeles.educarex.es/web/cmedio5/la_materia/index.htm

jueves, 24 de mayo de 2018

ERROS A EVITAR CANDO FAS UNHA PRESENTACIÓN DIXITAL

Agora que andades atarefados creando o powerpoint para c. sociais é hora de darvos algunhas indicacións importantes para que a vosa presentación sexa un éxito. Estas indicacións podedes atopalas de xeito máis pormenorizado no blog justificaturespuesta. Pero, as ideas principais coas que debedes quedarvos son:

1. A importancia da letra que escollas. Debe lerse ben, estar nun bo tamaño para que a xente que vos escoite poida lela e onde se diferencie ben o contido do título. Coidado coa negrita. Esta serve para resaltar algún dato importante, non debedes facer un abuso da mesma. O ideal é poñer pouco texto na diapositiva. Estas son un apoio a presentación oral, non o esquezades. O mellor truco é que cando a teñades a proxectedes, vos colocades no final da aula e a vexades completa. Vos sodes o mellor público para decidir que está ben e que sobra.
2. Usade a cor e o subraiado con criterio, é dicir, podo usar unha cor para o título, entón todos os títulos serán iguais. Debedes ser coherentes non encher a diapositiva de raias e cores. Sei que é tentador usar todos os accesorios que veñen no programa pero debedes usar a cabeza e usar as animacións, cores, títulos, iconas... con sentido común ("menos é máis"), ademais, estades empezando así que lembrade "non se pode correr antes de andar".

3. Unha diapositiva non se presenta para decorar, debe dar información e axudarnos a entender o que alguén nos está contando. Lembrade isto á hora de escoller as imaxes que poñedes ou o texto que acompañada.
4. Cuidado cos fondos. O fondo ten que deixarnos ler o texto e ver as imaxes con claridade, senón debedes escoller outro fondo. Lembrade a información e as imaxes son prioritarias, o fondo é secundario.
5. Unha diapositiva non é unha lista da compra. Non se trata de poñer unha serie de datos sen sentido ou resumir tanto que nos quede unha lista. Moitas veces unha imaxe dalle máis sentido as nosas palabras, un gráfico, unha liña do tempo... e o texto xa non fai falla porque a nosa voz completa a información. 
6. Os títulos son moi importantes. Lembrade o que falamos sempre, as carpetas de windows. Necesitamos ordear a información e os títulos nos axudan a ter organizadas as ideas e os datos, non o esquezades.





miércoles, 23 de mayo de 2018

CONCURSO DE VÍDEOS VOZ NATURA

Un ano máis participamos no concurso de vídeos de Voz natura.
Entrade no facebook de Voz natura e deixádenos o voso voto. Pasádeo para que os vosos amigos tamén nos voten.
Aquí tedes o enlace para votar

 https://pr.easypromosapp.com/voteme/824821/630319164



martes, 22 de mayo de 2018

ORTOGRAFÍA

Coma se escribe esta palabra? Leva b ou v? Empeza por h?...
Cada día nas nosas aulas repítense preguntas coma estas e é normal dubidar, a todos nos pasa. Sempre podemos recorrer ao dicionario ou a rede pero, o mellor xeito de non ter faltas é:

 - ler moito
 - fixarse ben cando escribimos 
- recordar regras sinxelas que nos axuden a escoller a ortografía correcta 
- escribir
 - xogar e repasar para non esquecer. 

 E para axudarvos con isto último xa tedes un novo apartado no site cheo de xogos de ortografía. Site que iremos enriquecendo pouco a pouco, pero, para comezar, xa tedes unha chea de recursos. Botádelle un ollo!!
http://www.edu365.cat/primaria/muds/castella/ortografiate/index.htm

I CONGRESO DO COLEXIO DE REBOREDA

O próximo día 1 de xuño o noso centro vai a celebrar o I Congreso do Colexio de Reboreda, que este ano está adicado ao "Reino animal", ademais, tamén levaremos a cabo a I Feira de Ciencia e Tecnoloxía. Aquí tedes o programa para ir abrindo boca.

lunes, 21 de mayo de 2018

REDONDELA MEDIEVAL

A semana pasada aproveitando que baixamos a Redondela para participar no Festival Internacional de Títeres de Redondela fixemos unha visita pola nosa vila e trasladámonos, da man de Luisa, a época medieval.
Pasámolo xenial redescubrindo a historia de lugares polos que pasamos miles de veces e nos que nunca reparamos. 
Unha saída complementaria chea de mentiras, lendas e espíritu medieval. Un xeito fantástico de completar o noso traballo teórico da aula.

 

viernes, 18 de mayo de 2018

miércoles, 16 de mayo de 2018

O REINO DE GALICIA

Este martes fixemos unha visita pola Redondela Medieval da man de Luisa. Pero, que sabedes do reino de Galicia? Aquí vos deixamos un interesantísimo vídeo que vos vai deixar abraiados.

O REINO DE GALIZA



 
NACIÓN DE BREOGÁN

lunes, 14 de mayo de 2018

ALBAMAS VENCEDORAS DO DESAFÍO FINAL GALICIENCIA

O pasado venres día 11, Alba P, Alba S e María participaron no desafío final de Galiciencia no Parque Tecnolóxico de Galicia. Tiveron que facer fronte as mesmas probas que o alumnado de secundaria. Comezaron con nervos e quedándose un pouco atrás pero, pronto remontaron, gañaron confianza e, ademais de pasalo moi ben, conseguiron gañar.
Insisto unha vez máis en que só con ser finalistas para mi xa erades as gañadoras e quero, unha vez máis, recoñecer o traballo do resto dos equipos que, aínda que non chegaron a final, tamén fixeron un traballo xenial e digno de recoñecer.

NORABOA AS TRES!!! UN TRABALLO ESTUPENDO!!! SUPERORGULLOSA DE NÓS!!!



 

 

UNIDADES DE MEDIDA

Iniciamos novo tema en matemáticas. Xa tedes o site cheiño de recursos para ir practicando.




domingo, 13 de mayo de 2018

MARÍA VICTORIA MORENO

Comezamos nova semana. Esta semana é unha semana moi especial pois celebramos o Día das Letras Galegas. Celebración que nesta ocasión e por cuarta vez na historia da mesma está adicada a unha muller.

Para saber máis da autora homenaxeada tedes no site un novo apartado adicado as Letra Galegas onde atoparedes a biografía e obra da autora así coma algúns xogos para poñer en práctica os vosos coñecementos.

jueves, 10 de mayo de 2018

O BINOMIO FANTÁSTICO

No noso taller de expresión escrita seguimos traballando diferentes técnicas para mellorar o noso xeito de escribir. A semana pasada foi a hora de traballar o binomio fantástico de Giani Rodari. Comezamos facendo asociación de palabras por equipo, despois compartímolas e, finalmente, asignámolas aleatoriamente. Sairon pares de palabras moi dispares que deron lugar a relatos xeniais. 

Prestade atención!!

 

miércoles, 9 de mayo de 2018

GRELOS PARA TODOS!!!

Fai algunhas semanas que os alumnos de quinto A e B desfrutamos dun menú de degustación composto por grelos, chourizos, patacas e ovos cocidos.
Para facer o noso menú cada alumno trouxo os diferentes alimentos para engadir aos nosos grelos da horta que xa estaban listos para comer.
A ola eléctrica encargouse de facer o traballo e despois desgustamos os grelos. 
Non tiveron tanto éxito coma as acelgas, aínda que... 
Mellor que volo conten eles!

martes, 8 de mayo de 2018

AS NOSAS CREACIÓNS STEM

A raíz da participación na feira STEMLAB en Santiago, os alumnos de A e B estivemos moi ocupados facendo as nosas primeiras creacións STEM.
Partimos dun motor  dun xoguete vello ou similar, material de refugallo, algo de imaxinación e a fantástica axuda das nosas familias e...
Aquí tedes o resultado.

 STEM 1

  

 STEM 2


lunes, 7 de mayo de 2018

POESÍA PARA TODOS

Esta semana no noso taller de expresión escrita traballamos poesía.
 Aquí tedes unhas indicacións básicas:
Ademais,tedes recursos no site e aquí vos deixamos algúns máis.

http://repositorio.educa.jccm.es/portal/odes/lengua_castellana/primaria_medida_versos/index.html


http://repositorio.educa.jccm.es/portal/odes/lengua_castellana/primaria_la_rima/index.html

sábado, 5 de mayo de 2018

E DESPOIS DE VISITAR CESANTES...

Xa pasaron algunhas semanas pero tiñamos pendentes contarvos o que fixemos na aula despois de visitar Cesantes. Na nosa visita collemos mostras de area, auga, algas... Xa en clase, cada equipo tiña 4 experimentos para realizar usando as mostras recollidas. Cada equipo levou a cabo as súas experiencias e engadiu as conclusións ao seu caderno de campo. Ademais, uns equipos foron titorizando aos outros a medida que ían experimentando.
Finalmente, inda que non está recollido no vídeo empregamos o microscopio para facer unha observación máis precisa. 
Pasámolo moi ben e foi un xeito práctico de experimentar e sacar as nosas propias conclusións. 

viernes, 4 de mayo de 2018

ROBÓTICA

Levabamos unha chea de semana sen subir as prácticas de robótica. Aquí vos deixamos as actividades que estivemos facendo durante estas semanas para que sigades practicando ou aproveitedes para repasar.

E aquí tedes un breve resumo de coma o pasamos!!!

jueves, 3 de mayo de 2018

A IDADE MEDIA

Xa tedes o site cheo de recursos para comezar a aprender máis cousas sobre a prehistoria. Botádelle un ollo. E xa temos o novo proxecto sobre a Idade Medieval en marcha. Toda a información clicando na imaxe.
ÁNIMO!!!
https://nivecaro.wixsite.com/idademedia
 


EL FEUDALISMO

QUE VEÑEN OS BÁRBAROS E TAMÉN OS ÁRABES!!!

Aquí tedes un novo capítulo, este adicado a ALTA IDADE MEDIA que abarca o reinado dos reis visigodos e conquista de España polos árabes.
 Esperamos que disfrutedes da súa lectura

lunes, 30 de abril de 2018

OS CIRCUITOS ELÉCTRICOS

Seguimos coas nosas prácticas STEM. Desta volta temos que engadir un circuito eléctrico as nosas creacións con motor. Para poder levalo a cabo aquí vos deixamos algúns consellos e ideas:
  QUE É UN CIRCUITO ELÉCTRICO?

  FACER UN CIRCUITO ELÉCTRICO REPASAMOS XOGANDO?

domingo, 29 de abril de 2018

STEMLAB GALICIA

O pasado 20 de abril fomos convidados a participar na primeira feira STEM de Galicia. Unha feira que pretende ser un referente a nivel nacional onde se recollen as iniciativas relacionadas coas aprendizaxes STEM no ámbito educativo.
Foi un día moi intenso onde presentamos os nosos traballos a miles de estudantes que pasaron polo noso stand, así coma a mestres, inspectores, autoridades, familias e, incluso, tivemos a sorte de poder ensinarlle os nosos traballos a Pedro Duque.
Un día intenso e cheo de emocións onde, ademais de expor, tamén puidemos visitar a feira e ver o traballo de outros 17 centros educativos de Galicia así coma de empresas e centros que se adican a desenvolver técnicas STEM relacionadas co ámbito educativo.
Pasámolo moi ben e, unha vez máis, aprendemos de xeito directo e participativo, compartindo con demais o noso xeito de facer.

NORABOA A TODOS OS RAPACES QUE, UNHA VEZ MÁIS, O FIXERON XENIAL!!! ORGULLO DE ALUMN@S.

 SODES FANTÁSTICOS!

 

jueves, 26 de abril de 2018

O ADXECTIVO

Xa tedes material no site para practicar os novos contidos de lingua.

http://www.primaria.librosvivos.net/archivosCMS/3/3/16/usuarios/103294/9/Lengua6EP_adjetivos/frame_prim.swf

Ademais, deixovos un enlace para poder consultar o uso axeitado dos superlativos:
http://usoadecuadodelalenguaescrita.blogspot.com.es/2009/12/listas-superlativos.html

martes, 24 de abril de 2018

CELEBRAMOS O DÍA DO MONTE EN CHAN DA COSTA

Un ano máis, e despois de agardar varias semanas a que a choiva nos deixara, celebramos o Día do Monte. 
 Este ano tocounos ir ao Chan da Costa en Reboreda.
Coma todos os anos celebramos este día en colaboración coas Comunidades de Montes de Reboreda e Ventosela e a Anpa do centro.
Uniformados coas camisetas commemorativas demos un bo paseo ata o Monte. 
Alí aproveitamos para facer unha plantación, xa que, o Chan da Costa foi un dos montes afectados nos incendios de outubro do ano pasado. 
Ademais, este ano contamos coa colaboración dos Gardas Forestais que nos deron unha charla moi interesantes sobre os incendios e a súa extinción.
Tamén desfrutamos dunha boa merenda campestre e, por suposto, de xogos e tempo para nós aproveitando o entorno e o aire libre.
Antes de emprender o camiño de volta, recollemos o lixo.
Esperamos volver e desfrutar de nova vida no noso monte .

COMEZAMOS A HISTORIA

Quen dixo que a historia era aburrida?
Aquí tedes un fragmento dun libro que nos conta a historia de España dun xeito moi especial.
Seguro que vos vai a encandilar.

lunes, 23 de abril de 2018

VISITAMOS A XUNTA DE GALICIA, O PARLAMENTO E...

O día 17 de abril de 2018 fixemos unha excursión ao Parlamento de Galicia.
Chegamos ao colexio ás 8.45 e saimos en autobús ás 9:07. Chegamos ao edificio da Xunta de Galicia ásS 10.57, despois de merendar nun centro comercial. 
Chegamos ao Pazo do Hórreo ás 12.30 da mañá e alí  visitamos moitas salas pero a que máis me gustou foi o hemiciclo e a sala de comisións. Tamén me gustaron outras coma o salón dos reis. 
Explicáronnos moitas cousas e tamén vimos algúns vídeos, visitamos as bibliotecas (unha pequena e outra grande)
Antes de entrar ao hemiciclo fomos a sala dos pasos perdidos que é a sala onde durante os plenos os deputados poden usala para descansar. Está decorada coas imaxes de todos os homenaxeados no Día das Letras Galegas.

Fomos comer a alameda de Santiago onde xogamos mentres as profes tomaban uns cafés e, por último, fomos facer a ruta dos muíños do río Barosa, en Barro. Hai moitos muíños que visitamos coa profe Vero. O paseo mellorou moito grazas as explicacións que fixo a profe Luisa.
Despois merendamos e xogamos durante un bo anaco.





BRAIS

domingo, 22 de abril de 2018

miércoles, 18 de abril de 2018

RECURSOS MATEMÁTICAS


Xa tedes o site cargado con material para traballar as operacións con decimais. Botádelle un ollo

Xogos, vídeos e actividades.

http://genmagic.net/repositorio/albums/userpics/sumdec1c.swf

PREPARANDO O DESAFÍO FINAL DE GALICIENCIA

Toca preparar o desafío do día 11. Ese día estaredes soas fronte aos outros dous equipos e teredes unha hora para afrontar o desafío final. De seguro que o ides facer moi ben e imos poñer todas as nosas forzas para gañar.

Primeiro de todo, podedes ver os vídeos os outros participantes, incluidos os outros finalistas nestas direccións:

DESAFÍO 1
DESAFÍO 2
DESAFÍO 3

Agora tedes dúas semanas para ler os recursos didácticos dos diferentes desafíos e estar mellor preparadas para o desafío final. Calquera dúbida debemos resolvela antes de que chegue o desafío final pois ese día eu non podo estar con vos.
Aquí tedes os recursos:


ÁNIMO ALBAMAS!!!

ALBAMAS É FINALISTA NO DESAFÍO GALICIENCIA

O equipo formado por Alba S, Alba P e María conseguiron colarse no desafío final de Galiciencia que terá lugar o vindeiro día 11 de maio.
NORABOA RAPAZAS

http://atrevetecocambioclimatico.galiciencia.com/

Quero felicitar tamén ao resto dos equipos que fixeron un gran traballo. Noraboa a todos.
 Ter un equipo da nosa aula no desafío final é un victoria de todos. Non o esquezades.
Aquí tedes os tres vídeos que lle deron o premio a ALBAMAS

DESAFÍO 1: O PRONÓSTICO DO TEMPO

DESAFÍO 2: QUE SABEN DO CAMBIO CLIMÁTICO OS QUE ME RODEAN


DESAFÍO 3: UN ANUNCIO SOBRE O CAMBIO CLIMÁTICO

martes, 17 de abril de 2018

O ASTRONAUTA ESPAÑOL PEDRO DUQUE INAGURARÁ O STEMLAB GALICIA

Coma sabedes o venres imos participar no Stemlab, 5º B é un dos 18 centros elixidos para expoñer e 5º A e 6º A desfrutarán da visita a maior feira de STEM de Galicia. A inaguración será o vindeiro venres 20 ás 10.30 da mañá e estará a cargo de Pedro Duque. Tedes toda a información no portal educativo da xunta (clicando a imaxe) 

http://www.edu.xunta.gal/portal/node/24733

lunes, 16 de abril de 2018

E, FINALMENTE, CONSEGUIMOS VISITAR A PRAIA DE CESANTES

Despois dun mes buscando un día sen chuvia para poder ir a praia e poder comprobar "in situ" todo o traballado na aula, por fin chegou o día. A chuvia deunos unha tregua e aproveitamos para ir a Cesantes. 
Fixemos a visita acompañados por Marcelo de Faia, Educación Medioambiental. 
Comezamo a visita no porto e, andando pola praia, fomos observando, falando e aprendendo máis cousas sobre as algas e a súa importancia no ecosistema, os moluscos, as aves, algúns animais mariños coma as babosas de mar, a composición da area, as dunas... 
Foi unha visita moi instructiva!!!